O Torneo San Xoán de fútbol volverá animar Sarria a finais de xuño coincidindo coas festas patronais
Sarria acollerá a finais de xuño unha nova edición do Torneo San Xóan de fútbol, unha cita deportiva que se celebrará os días 26, 27 e 28 coincidindo coas festas patronais da localidade. O evento volverá converter o fútbol nun dos protagonistas da programación festiva, reunindo a equipos e afeccionados durante tres xornadas consecutivas.
A organización do torneo avanzou que a partir do mes de marzo comezará o traballo preparatorio, cunha campaña de solicitude de colaboración dirixida a establecementos comerciais e empresas da contorna. Desde a entidade organizadora trasladan de maneira anticipada o seu agradecemento a todas aquelas persoas e negocios que se sumen á iniciativa, destacando a importancia do apoio local para facer posible o desenvolvemento da competición.
O Torneo San Xoán consolidouse nos últimos anos como unha actividade deportiva complementaria ás celebracións patronais, contribuíndo a dinamizar a vida social e deportiva de Sarria durante as datas festivas.