O XXXV Torneo de Fútbol Sala San Xoán celebrarase do 20 ao 22 de xuño
SarriaXa
A organización manterá o formato do ano pasado, con premios para os oito primeiros equipos, ademais de galardóns individuais
30 Jan 2025
O agardado XXXV Torneo de Fútbol Sala San Xoán disputarase os días 20, 21 e 22 de xuño de 2025 no pavillón José Mario González (O Chanto).
A organización manterá o formato do ano pasado, con premios para os oito primeiros equipos, ademais de galardóns individuais para o mellor xogador, mellor porteiro e o Quinteto Ideal do Torneo.
Na edición de 2024, o campionato contou coa participación de 25 equipos procedentes de Quiroga, Monforte e Sarria, consolidándose como un referente do fútbol sala na comarca.
Con esta nova cita, na que xa se está traballando, agárdase repetir o éxito e seguir fomentando a paixón por este deporte. As inscricións e máis detalles sobre o torneo daranse a coñecer nas vindeiras semanas.