Os embalses lucenses atópanse ao 82,65% da súa capacidade

Os embalses da provincia atópanse esta semana ao 82,65% da súa máxima capacidade, un 2,65% menos que a cifra rexistrada nos anteriores sete días.

Segundo os datos recibidos polo Centro de Control de Conca (Cecu) da Confederación Hidrográfica Miño-Sil (CHMS), este volume é un 0,57% menor que a cantidade de auga embalsada fai un ano, 83,22 %, e un 3,27 % maior que a enchida media histórica nestas datas do ano, 79,38 %.

No presente ano hidrolóxico 2020/2021, que comezou o pasado 1 de outubro, a precipitación acumulada media na provincia é de 847,8 litros por metro cadrado, o que supón un 10 % por riba da media histórica, 770 litros por metro cadrado. Na última semana rexistráronse 0,3 litros por metro cadrado e, por meses, destaca novembro como seco e decembro, xaneiro e febreiro como húmidos.

O presidente da CHMS, José Antonio Quiroga, lembra que “os recursos naturais son limitados e que todos deberiamos de asumir a responsabilidade individual de conservación dos mesmos, fomentando actitudes respectuosas co medio ambiente e co consumo de auga para evitar, no país dos mil ríos, períodos de seca estival”.