Os expositores interesados en participar na XXVII Feira de Antigüidades de Sarria xa poden apuntarse
O Concello de Sarria abriu o prazo de inscrición para os expositores interesados en participar na vixésimo sétima edición da Feira de San Lázaro de Antigüidades e Restauración, que se celebrará os días 3 e 4 de maio. Os interesados poderán presentar a súa solicitude ata o 8 de abril.
A feira desenvolverase na Rúa Porvir, con horarios de apertura de 11.00 a 14.30 e de 16.00 a 20.30 horas. A asignación de espazos será determinada exclusivamente pola organización do evento, asegurando unha distribución óptima para a circulación do público.
Segundo as bases do evento, os artigos en exhibición deberán ter unha antigüidade mínima de 50 anos. Aqueles obxectos que non cumpran con este requisito deberán contar cunha declaración que certifique o seu valor como peza de anticuario ou vintage.
Xa están a traballar na programación da feira, a cal incluirá actividades complementarias como exhibicións, obradoiros e espectáculos temáticos.
Ademais, o evento desenvolverase durante a fin de semana na que tamén se celebrará en Sarria a Expocidades, a feira turística do Eixo Atlántico, que este ano leva por nome En Sarria "a vila do Camiño" así como tamén terá lugar a Pretorian Race Sarria Extreme e o III Rally de Regularidad Vila de Sarria do Club Clásicos.