Os gañadores da campaña de San Valentín de Sarria recibiron o seu premio
A Asociación de Comerciantes de Sarria fixo entrega dos premios aos gañadores da campaña de San Valentín “Celebremos o Amor”. O pasado venres, a man inocente de Lola encargouse de sacar ao azar as papeletas premiadas na campaña levada a cabo durante os días previos a San Valentín.
Para poder participar no sorteo, as persoas tiñan que ter realizado algunha compra nos establecementos asociados da vila no período da promoción entre o 1 de febreiro ata o 14 do mesmo mes.
Como resultado, Carmen Maside, Samuel, Miriam López e Conchita Rivera gozarán das súas ceas en compaña no Hotel Alfonso IX, El Parisien, Restaurante Rome e Restaurante O Descando.
Nesta ocasión foron Ara moda, A Rosareira Cepsa, Herboristería Linva e Colorín Colorado Sarria os comercios que repartiron sorte entre os veciños.
As persoas gañadoras das ceas sorteadas contan cun amplo prazo para escoller o día no que gozar do premio, debido as condicións especiais que existen actualmente pola crise sanitaria con motivo da Covid.
A entrega de premios correu a cargo de Ricardo Arias, presidente da Asociación de Comerciantes e Empresarios – CCU de Sarria.