Os máis pequenos xa se poden apuntar ao Mini DHU Vila de Sarria do vindeiro 29 de xullo
![Minidhu vila de sarria](https://sarriaxa.com/wp-content/uploads/2023/07/Minidhu-vila-de-sarria.jpg)
Xa está aberto o prazo de inscrición para que os nenos e nenas interesados en participar no Mini DHU Vila de Sarria, que terá lugar o vindeiro 29 de xullo, poidan facelo ata o 26 de xullo.
Así, poderán participar ata 3000 nenos e nenas federadas, que non terán que pagar nada, mentres que os non federados deberán asumir un custo de 5 euros.
Os organizadores, do equipo DHG Team de Sarria, defenden que "os cativos serán tamén os protagonistas dunha das competicións máis fermosas coa intención de que os nenos que empecen a participar nestes eventos, sigan ata que sexan adultos e poidan formar parte dos descensos como o DH Molinos ou o DHU Vila de Sarria".
Ademais, destacan que este ano se formou no club DHGTeam unha escola con 40 nenos "que tivo moito éxito e que contou cos esforzos e a preparación do club, polo que elaboramos as infraestruturas para eles e moi ben. Así, os nenos tamén formarán parte do descenso miniurbano".