Os nenos e nenas de Triacastela levaron a cabo varias actividades polo Día Mundial do Medio Ambiente
![Día mundial medio ambiente Triacastela](https://sarriaxa.com/wp-content/uploads/2023/06/Dia-mundial-medio-ambiente-Triacastela.jpg)
O alumnado do CEIP Eduardo Cela Vila de Triacastela traballou a importancia de coñecer, respectar e coidar o medio ambiente para celebrar o Día Mundial do Medio Ambiente.
Así, visualizaron diferentes vídeos reais para causar neles un impacto ideolóxico e emocional e explicóuselles que a Educación Física é unha materia que permite desenvolver deporte na natureza á vez que se coida o medio natural.
Despois destas actividades, cada neno e nena realizou unha pequena infografía onde propoñían e ilustraban cinco accións para protexer o medio ambiente.
E, finalmente, levaron a cabo unha actividade experimental coa que se pechou tamén o proxecto 'Navegando polo Río Oribio', comezado no pasado setembro, na que o alumnado da escola, acompañado por persoal de ADEGA, examinou a fauna e a flora do ecosistema, chegando á conclusión de que a calidade e saúde do Oribio é excelente.