Os nenos e nenas do CEIP de Triacastela sumáronse ás actividades polo 25N

O alumnado achegouse á violencia de xénero e á dor das vítimas que a padecen, tanto física coma psicolóxica

Os nenos e nenas do CEIP Eduardo Cela Vila de Triacastela sumáronse ás actividades polo 25N e traballaron o Día Internacional contra a Violencia de Xénero a través de dúas producións audiovisuais.

Desta maneira, na primeira comprenderon de forma audiovisual o libro 'El chubasquero de Aurora', mentres que na segunda viron o vídeo 'No es normal', cun carácter máis real e concienciador.

Coa visualización e posterior diálogo o alumnado achegouse á violencia de xénero e á dor das vítimas que a padecen, tanto física coma psicolóxica, establecendo ademais solucións para loitar contra ela.