Os nenos e nenas do Incio desfrutan do seu campamento de verán
SarriaXa
Os nenos e nenas do Incio desfrutan do seu campamento de verán organizado polo Concello do Incio e impartido por Creados
![Campamento Incio](https://sarriaxa.com/wp-content/uploads/2023/07/Campamento-Incio.jpg)
4 Xul 2023
Os nenos e nenas do Incio comezan o seu campamento de verán organizado polo Concello do Incio e impartido pola entidade Creados, especialista en actividades de lecer para os máis pequenos.
Así, durante os meses de xullo e agosto, as familias do Incio poderán conciliar a vida laboral e familiar grazas a esta iniciativa, que terá horario de 09.00 a 15.00 horas.
Durante estes campamentos, os veciños e veciñas do Incio máis pequenos comparten o seu tempo, fan amigos, aprenden labores básicas, así como desfrutan das actividades e das saídas programadas.