Os organizadores do Esmorga Fest adiantan novos nomes de artistas que estarán no evento
Os organizadores do Festival Esmorga Fest, que se celebrará os vindeiros 25 e 26 de outubro, veñen de confirmar novos nomes de artistas e grupos de música que estarán actuando no evento.
O evento de música indie celebrará a novena edición do festival, que ten como finalidade seguir coa inclusión de bandas emerxentes e seguir promovendo a alta participación da veciñanza e doutras persoas interesadas no evento.
Así, a planificación do festival mantense como noutras edicións, sendo a primeira xornada dedicada a desfrutar dos concertos na sala Litmar; mentres, o sábado, as actividades musicais desenvolveranse na Sociedade La Unión e á noite volverán á Sala Litmar onde rematará o evento.
Os primeiros artistas e grupos confirmados foron Atención Tsunami, Ghostwoman, Los Manises, Máquina, Músculo!, Mourn e Perro; aos que se suman Carmela, Cora Yako, El Chico López, Nudozurdo, Terrae djs e Terror Erótico Adolescente.