O Partido Socialista sarriao denuncia que se están a repartir papeletas das eleccións de 2015 para "provocar votos nulos"
O Partido Socialista de Sarria denuncia que alguén está facendo buzoneo con papeletas de eleccións municipais pasadas "coa evidente intención de provocar votos nulos para o noso partido este domingo, día das eleccións municipais".
Estas papeletas, explican desde o PSOE, correspóndense coas do ano 2015, cando a cabeza de lista era Pilar López e Claudio Garrido, primeiro suplente dos socialistas en Sarria.
Así, piden que toda a veciñanza sarriá revise as papeletas para "evitar o erro e que nos manteñades informados de calquera incidencia", como tamén apuntan a que poden denunciar na Guardia Civil.
"Queremos recordar que unhas eleccións son algo moi serio, a máxima expresión da democracia. Actos de sabotaxe como este son constitutivos de delito, por iso interpuxemos denuncia ante a Garda Civil de Sarria. Na política non todo vale", sentenzan desde o partido vermello.