Os vindeiros 8 e 9 de setembro celebrarase no Concello de Sarria a romaría dos Remedios

Durante os dous días, haberá misas desde as 08.00 horas na capela e a maior será ás 13.00 horas

Os vindeiros 8, domingo, e 9, luns, de setembro celebrarase no Concello de Sarria a romaría dos Remedios.

Durante os dous días, haberá misas desde as 08.00 horas na capela e a maior será ás 13.00 horas, seguida de procesión, pero a protagonista será a festa e verbena con diferentes agrupacións musicais.

O domingo día 8 estará a Orquestra Sinfonía, a Charanga de Paradela durante a mañá e pola tarde noite volverá a Orquestra Sinfonía para amenizar a tarde e tamén estará a Charanga Louband.

Pola súa parte, o luns, o protagonismo será para Los Españoles e o solista Dani Pardo, que estarán tanto na xornada da mañá como da noite poñendo a música para que a veciñanza desfrute dunhas grandes festas.