Paradela acollerá o espectáculo Cirkote de Kote Malabar o vindeiro 10 de agosto
SarriaXa
Paradela acollerá o espectáculo Cirkote de Kote Malabar o vindeiro 10 de agosto na piscina municipal paradelense
![Kote Malabar](https://sarriaxa.com/wp-content/uploads/2023/07/Kote-Malabar.jpg)
23 Xul 2023
O artista Kote Malabar actuará o vindeiro 10 de agosto na piscina municipal de Paradela a partir das 20.00 horas nun acto aberto a todas as persoas interesadas, tanto nenos e nenas como adultos.
Kote Malabar traerá así ao municipio paradelés o seu espectáculo Cirkote, dentro do programa Cultura no Camiño promovido polo goberno galego durante este verán.
Este artista leva preto de 20 anos facendo rir a todo tipo de públicos co seu espectáculo, no que combina técnicas de circo, clown e teatro cómico e de participación, nunha relación directa entre o actor e o público.
![paradela kote malabar](https://sarriaxa.com/wp-content/uploads/thumbs/2023/07/paradela-kote-malabar-200x266.jpg)