Paradela contará este verán cun campamento para nenos e nenas

Poderán participar tanto pequenos empadroados como outros doutros concellos de arredor de Paradela

O Concello de Paradela organiza un campamento de verán para nenos e nenas empadroados no municipio e de calquera centro de Educación Infantil e Primaria con idades comprendidas entre os 3 e os 12 anos.

Tamén poderán participar nenos e nenas da mesma idade que estean empadroados noutros concellos pero que teñan vinculación familiar con persoas empadroadas no Concello de Paradela.

O campamento desenvolverase desde o 1 de xullo e ata o 30 de agosto de 10.00 a 13.00 horas no polideportivo do colexio do municipio e o prazo para apuntarse será do 17 de xuño ao 28 de xuño nas oficinas xerais de Paradela ou no departamento de Servizos Sociais.