Consulta os resultados das eleccións municipais 2023 nos concellos da comarca de Sarria

Algo máis de 270.000 lucenses estiveron chamados a votar hoxe nunhas eleccións nas que aumenta a presenza de BNG e VOX

Todos os veciños lucenses exerceron o seu dereito ao voto nas eleccións municipais deste domingo 28 de maio.

Camiña Sarria acada a maioría en Sarria con 7 concelleiros, mentres que o PP consegue 5, un menos que nas anteriores eleccións municipais de 2019, que se sumou ao PSOE de Benjamín Escontrela, que acadou 3. Pola contra, o BNG mantense igual que nos anteriores comicios, con dous concelleiros. Ciudadanos e VOX non conseguen ningún edil.

N Concello de Triacastela, Olga Iglesias, do PP, conseguiu 5 concelleiros, polo que gobernará con maioría absoluta, establecida en 4, mentres que o PSOE acadou 2 concelleiros.

Pola súa parte, en Láncara, Darío Píñeiro, actual alcalde e alcaldable do PSOE volve conseguir a maioría absoluta con 7 concelleiros, mentres que o PP ten 3 e o BNG 1.

No caso de Samos, a maioría absoluta está nos 5 concelleiros, o co 100% dos votos escrutados, o PP de Miguel Gallego conseguiu 4 concelleiros, mentres que o PSOE acadou 2 e o BNG 3, polo que parece que poderá haber un pacto de coalición entre as dúas forzas de esquerdas.

Héctor Corujo, do PP, consegue a maioría absoluta no Incio con 6 concelleiros, sumando un con respecto ao ano 2019; mentres que Laura Celeiro, do PSOE, perde un concelleiro con respecto ao ano 2019, quedando con 3.

En Paradela, José Manuel Mató, do PP, renova por duodécima vez o seu mandato en Paradela, con 5 concelleiros; mentres que o PSOE queda preto, con 4 concelleiros.

O PP tamén arrasa no Páramo con 6 concelleiros, co que volverá gobernar José Luis López, mentres que Alternativa Veciñal do Páramo (Contamos) conseguiu 3 concelleiros.