Ruta ao Couto Mixto da man de Xacobeo Rutas Sarria
![xacobeo sarria rutas couto mixto](https://sarriaxa.com/wp-content/uploads/2022/03/xacobeo-sarria-rutas-couto-mixto-1.jpg)
A Asociación Xacobeo Rutas Sarria organiza unha nova excursión ao Couto Mixto. Unha ruta para coñecer un lugar con moita historia en Galicia, xa que foi unha república independente e un microestado galego. Os asistentes coñecerán a historia do lugar percorrendo o Camiño Privilexiado, o cal comunica todas as aldeas que compoñían o couto mixto.
As explicacións correrán a cargo de Xosé Antón, o historiador do Grupo Xacobeo Sarria. Esta ruta comenza na aldea de Meaus e termina en Tourem, esta é unha aldea típica de Portugal que tamén formaba parte do Couto Mixto. Ademais, os participantes coñecerán tamén a Serra Do Xurés.
No mediodía repoñeranse as forzas cun bo xantar en Calvos de Randín.
Pola tarde a visita será as Caldas Romanas de Bande e ao campamento romano Aquis Querquennis, unha mansión-viaria e un complexo arqueoloxico dos mais importantes de Galicia.
A ruta que se levará a cabo pola mañá será dunha dificultade baixa, serán 12 km entre as aldeas do Couto Mixto.
A reserva da praza pode realizarse ata o 31 de marzo xa que a excursión está programada par ao vindeiro 3 de abril. O prezo para os socios será de 33 euros e para os non socios 35 euros. Inclúe desprazamento, comida e seguros.
Para realizar a reserva ou acadar máis información pódese chamar ao teléfono 609 027 518.
A saída dende Lugo será ás 6.30 horas e dende Sarria ás 7.00 horas.