Samos acolle a exposición 'Miradas, mulleres na arte' de Elsa Martínez
Do 22 de marzo ao 29 de abril, a Antiga Biblioteca de Samos acollerá a exposición 'Miradas, mulleres na arte' da artista Elsa Martínez, aberta de luns a venres en horario de 09:00 a 14:00 horas. O 28 de marzo, ademais, celebrarase unha visita guiada de 11:00 a 14:00 horas.
A mostra busca homenaxear ás mulleres que se destacaron no mundo da arte, así como a aquelas que permaneceron no anonimato. Reúne 41 retratos de artistas de distintas disciplinas —pintoras, escultoras, escritoras e actrices— desde o século XVI ata o XX, empregando diversas técnicas como acrílico, collage, lápiz, acuarela e incluso plastilina utilizada de forma pictórica.
Entre as protagonistas desta exposición destacan M.ª Louise Élisabeth Vigée Le Brun, Sofonisba Anguissola, Camille Claudel, Daphne du Maurier, Leonora Carrington, Gerda Wegener, Frida Kahlo, Pier Angeli, Virginia Woolf e Maruja Mallo.