Samos acolle o I Ciclo de Música Medieval este sábado 28 de setembro
Este sábado, 28 de setembro, coincidindo co Obradoiro Benito Jerónimo Feijoo de Samos, desenvolverase no municipio samanense o I Ciclo de Música Medieval a partir das 20.00 horas.
Desta maneira, o Mosteiro de Samos acollerá un concerto de música medieval da man de Malandança, unha agrupación fundada en Santiago de Compostela no ano 2000 que entende a música medieval como un territorio no que a interpretación e a investigación son asuntos interdependientes.
“Nas últimas décadas o interese pola música antiga permitiunos a recuperación de estilos musicais que se crían perdidos. Grazas ás achegas de múltiples intérpretes, musicólogos e historiadores ao longo destes anos, logrouse salvar en parte a ruptura na tradición interpretativa doutros estilos, como a música barroca”.
Este evento enmárcase dentro do I Ciclo de Música Medieval Lugo: de trovas e cantigas, organizado pola Vicepresidencia da Deputación de Lugo a través da área de Artesanía e Deseño.