Samos acolleu a obra para concienciar sobre a violencia de xénero de Estíbaliz Veiga

A actriz Estíbaliz Veiga actuou coa súa obra 'Golpes' este domingo no salón de actos do edificio multiusos do Concello de Samos con motivo da programación polo 25N.

Estíbaliz Veiga en Samos

A actriz Estíbaliz Veiga actuou coa súa obra 'Golpes' este domingo no salón de actos do edificio multiusos do Concello de Samos con motivo da programación polo 25N.

Así, o recinto acolleu a veciños e veciñas que quixeron participar dun espectáculo teatral pedagóxico, que analizou o impacto da violencia de xénero nas mulleres, polo que as persoas asistentes saíron "contentas", segundo explica a alcaldesa, Chus López.

A obra ‘Golpes’ tenta concienciar á mocidade na prevención da violencia de xénero, aínda que é unha obra enfocada a todos os públicos, polo que participaron tanto maiores como pequenos.