Samos acolleu o primeiro Open Lab de debate e discusión sobre a innovación no rural
O primeiro Open Lab de debate e discusión para mozos e mozas coa temática da Innovación Rural e Xuventude para aportar ideas ao rural celebrouse en Samos no marco do proxecto Atlantic Youth Creative Hubs da Unión Europea.
No evento, aberto a mozos e mozos de 18 a 30 anos, as persoas participantes, entre as que se atopaban rapaces das catro provincias galegas, Italia, Alemania, Marrocos e Túnez; analizaron como está o mundo da innovación nas zonas rurais, fixándose especialmente no espazo rural de Samos.
Así, durante o encontro trataron diversos temas: a innovación educativa, a tecnoloxía ao servizo da empresa rural, as ferramentas dixitais para o desenvolvemento do turismo rural e as solucións á fenda dixital.
Durante a actividade, fixéronse dinámicas de ideación desde as 10.00 horas, xantaron xuntos, cada participante recibiu un agasallo tecnolóxico e obtiveron un certificado de participación nun proxecto da Unión Europea.