Santalla de Lóuzara prepárase para a súa gran Festa da Auga na honra a San Roque

O sábado 16 de agosto haberá música tradicional, Festicultores e verbena con DJ

Este sábado 16 de agosto de 2025, Santalla de Lóuzara celebrará a súa tradicional Festa da Auga na honra a San Roque, unha cita que promete diversión, música e bo ambiente para veciños e visitantes.

A partir das 14:00 horas terá lugar a sesión vermú, amenizada por un grupo de música tradicional. Xa pola tarde, ás 18:30 horas, a festa continuará coa actuación dos Festicultores Troupe – Cultivadores de Festas, que traerán a súa habitual enerxía e espectáculo.

A xornada rematará pola noite cunha verbena a cargo dun DJ, que fará bailar ao público ata ben entrada a madrugada. A organización anima a todos a achegarse con merenda para compartir unha celebración marcada pola convivencia e a alegría.