Sara Cela Rodríguez foi a gañadora do sorteo da ACES pola campaña do Día da Nai
Sara Cela Rodríguez foi a gañadora do sorteo organizado pola Asociación de Comerciantes e Empresarios – CCU de Sarria con motivo da campaña especial do Día da Nai, baixo o lema 'Día do Nai, mamá dacho todo, dálle ti o mellor, merca produto local'.
A iniciativa tiña como obxectivo incentivar o consumo no comercio de proximidade, promovendo a compra de produtos locais durante as semanas previas á celebración desta data tan sinalada.
A campaña desenvolveuse entre o 22 de abril e o 4 de maio, período no que os establecementos asociados á ACES de Sarria repartiron participacións entre os seus clientes.
O premio consistía nun vale de compra por valor de 200 euros, que finalmente recaeu na compra realizada por Sara Cela Rodríguez o día 2 de maio no comercio Sabrina Moda.
A entrega do premio estivo a cargo de Ricardo Arias, presidente da Asociación de Comerciantes e Empresarios – CCU de Sarria, quen destacou a boa acollida da campaña e agradeceu o apoio continuo da veciñanza ao pequeno comercio, sinalando a importancia de iniciativas coma esta para dinamizar a economía local e reforzar os lazos entre comerciantes e consumidores.