Sarria acolle no día de mañá un acto sobre a figura de Lois Pereiro
SarriaXa
Mañá, sábado 5 de xuño, celébrase en Sarria un acto expansivo sobre a figura de Lois Pereiro, organizado polo Ateneo de Monforte.
4 Jun 2021
Este pasado luns fixo 25 anos do pasamento do poeta Lois Pereiro, que, hai tamén dez anos, foi homenaxeado no día das Letras Galegas. Coincidindo con estas datas o Ateneo Casino de Monforte organizou varios actos. Un deles é este acto expansivo que sobre a figura deste poeta vaise celebrar en varios puntos da xeografía galega o mesmo día e á mesma hora, o 5 de xuño, ás 12.30.
En Sarria a organización do acto corre a cargo da biblioteca Fiz Vergara Vilariño e de Radio Bolboreta do IES Gregorio Fernández e terá lugar na Casa da Cultura.
