Sarria acollerá a súa tradicional carreira de final de ano, a Milla Urbana, o 31 de decembro
Sarria acollerá a súa tradicional carreira de final de ano, a Milla Urbana, que terá lugar o 31 de decembro ás 18.00 horas con saída na rotonda da estrada de Samos, na entrada de Sarria.
O percorrido será por un circuíto urbano en liña recta pola rúa Liberdade e acabarase fronte ao Hotel Roma.
As categorías serán a Absoluta, para os nados antes do 2008 e ata ese ano; de Cadete para os nados entre 2009 e 2010; a Infantil para os de 2011 e 2012; a Alevín para os de entre 2013 e 2014, a Benxamín, para os nados entre 2015 e 2016 e a Prebenxamín, para os de 2017 e posteriores.
A inscrición xa pode facerse en www.championchipnorte.com ou en www.sarriacorre.com ata o 28 de decembro de 2024.
Os premios para os gañadores absolutos masculino e feminino consistirán en produtos cárnicos porcinos sarriaos por valor do peso do gañador ou gañadora.