Sarria celebrará o Día da Poesía Eduardo Rey Moure cun acto dedicado á auga

O evento está organizado polo IES Gregorio Fernández, que tamén participará activamente na xornada

Aprázase o acto programado para este venres, 21 de marzo, no que se ía celebrar en Sarria o Día Mundial da Poesía, que na vila leva o nome de Eduardo Rey Moure, promotor desta efeméride e ex profesor do IES Gregorio Fernández.

A xornada, organizada polo IES Gregorio Fernández, ía ter como temática central a auga e ía reunir alumnado de diferentes centros educativos do municipio e doutras localidades próximas para compartir as súas creacións poéticas.

Así, desde o Concello de Sarria defenden que o acto se celebrará na Praza da Vila nunha nova data da que informarán nos vindeiros días e que, da mesma forma, participarán os centros educativos EEI Xela Arias, CEIP Eduardo Cela Vila de Triacastela, CEIP Frei Luis de Granada, CEIP Plurilingüe Antonio Fernández López de Oural, CEIP Plurilingüe do Páramo, CEIP Plurilingüe San Miguel de Paradela, CEIP Ricardo Gasset de O Incio, CEIP de Samos, CPI Ramón Piñeiro de Puebla de San Julián, CPR La Merced, CPR Nosa Señora da Asunción, IES Xograr Afonso Gómez, e IES Gregorio Fernández (centro organizador).