Sarria énchese de descontos co Outlet de Inverno da ACES Sarria

Máis de 25 comercios locais participarán neste evento ofrecendo grandes descontos en moda, calzado, complementos, fogar e moito máis

Os días xoves 6 e venres 7 de marzo, Sarria converterase no epicentro das mellores ofertas da tempada cunha nova edición do Outlet de Inverno, organizado pola Asociación de Comerciantes, Empresarios e Servizos (ACES Sarria).

Máis de 25 comercios locais participarán neste evento ofrecendo grandes descontos en moda, calzado, complementos, fogar e moito máis. Aos establecementos xa confirmados no cartel, súmanse Pikaros Story, Unika e Cactus Rose, ampliando aínda máis a variedade de produtos dispoñibles.

Este evento, cofinanciado por ACES Sarria, busca dinamizar o comercio local e ofrecer aos clientes unha oportunidade única para aproveitar rebaixas exclusivas.