Turismo

A ferramenta dixital ofrece 50 puntos de interese, rutas temáticas e itinerarios a pé, destacando o patrimonio e o Camiño de Santiago

O Concello de Sarria, a través da Concellería de Turismo e da Oficina de Turismo, e en colaboración con Ouvirmos, presentou unha nova ferramenta dixital que permite explorar a vila de forma interactiva.

O mapa conta con 50 puntos de interese, rutas temáticas e itinerarios a pé, poñendo en valor o patrimonio histórico e a riqueza turística do municipio.

Entre os itinerarios destaca a Ruta do Románico e o paso do Camiño de Santiago, ofrecendo aos usuarios a posibilidade de coñecer a historia e os recursos culturais de Sarria.

O mapa está dispoñible na web oficial de turismo do Concello de Sarria e ofrece tres idiomas para facilitar o acceso a un público máis amplo.