Sarria volve loitar pola declaración do mosteiro de La Magdalena coma Ben de Interese Cultural
O Concello de Sarria volve a loitar pola declaración do mosteiro de La Magdalena coma Ben de Interese Cultural. No último pleno ordinario celebrado no Concello aprobouse por unanimidade retomar o expediente para conseguir esta distinción.
O expediente comezou a elaborarse no 2013 e paralizouse por motivos descoñecidos, polo que na actualidade retomarase a xestión para poñer en valor a riqueza patrimonial e histórica desta edificación.
A declaración de Ben de Interese Cultural suporía unha maior protección para o mosteiro e permitiría o acceso a diferentes axudas de rehabilitación e coidado da edificación que data do ano 1200.
MOSTEIRO LA MAGDALENA
Un edificio que, actualmente, funciona coma albergue relixioso para peregrinos do Camiño de Santiago e para turistas que visita a vila. De feito, esta nova funcionalidade adquiriuna a partir do ano 2012.
O mosteiro atópase preto do casco histórico da cidade e fundouse sobre o ano 1200, na mesma época que a vila de Sarria. Segundo a tradición, dise que foron dous italianos que volvían da súa peregrinación de Santiago, os que decidiron fundar un mosteiro e un hospital para atender a peregrinos. Ademais, o ano no que se conta coa primeira noticia documentada é o 1219.
Foron moitos os anos nos que o mosteiro estivo ocupado por monxes que, nun primeiro momento, seguían a regra de San Agustín. Sen embargo, xa no ano 1568 o mosteiro foi independente e constituíu o primeiro asentamento da Orde en Galicia.
Hai que destacar que o mosteiro se atopa no Camiño Francés e é a vía a Compostela máis recoñecida. De feito, a porta de entrada atópase no mesmo Camiño de Santiago e dende aí, pódese ver toda a vila de Sarria. Así mesmo, o mosteiro tamén destaca pola súa arquitectura característica e de gran valor histórico.