Triacastela acolle a exposición itinerante sobre 'Os Camiños de Elías Valiña'

A través de diversos paneis informativos e gráficos a exposición ten como obxectivo lembrar a figura de Elías Valiña

Triacastela acolle a exposición itinerante sobre 'Os Camiños de Elías Valiña' durante este mes de agosto, que está instalada no local da Fonte do Lunar.

A través de diversos paneis informativos e gráficos a exposición ten como obxectivo lembrar a figura de Elías Valiña, creador das frechas amarelas que delimitan o paso do Camiño de Santiago.

Así, as persoas interesadas poden visitar esta mostra de maneira gratuíta, onde poderán ver diferentes fotos sobre a ruta xacobea, así como se divulga o documental sobre o persoeiro Valiña.