Volveranse celebrar as Xornadas do Cocido do Porco Celta en establementos de Sarria
As Xornadas do Cocido do Porco Celta volverán celebrarse este ano durante as datas do Entroido nos establecementos interesados, como acordaron a Concellaría de Festas de Sarria e o sector da hostalaría.
Este sistema, que fora implantado de forma provisional e preventiva a raíz da pandemia, manterase no municipio, en lugar de optar por un evento multitudinario.
A decisión foi consensuada ante diferentes circunstancias persoais e profesionais que fan necesaria unha renovación no equipo organizativo e coa finalidade de garantir que todas as actividades vinculadas ao Cocido do Porco Celta manteñan a calidade das últimas edicións da festa.
Así, desde a Concellaría de Festas volverase contactar cos establecementos do sector para traballar na coordinación das xornadas deste ano coincidindo coas datas do Entroido e na súa divulgación, existindo a posibilidade de organización dun evento promocional en Madrid para potenciar o nome da festa para futuras edicións.