O Incio terá a música como protagonista este sábado, 24 de agosto, no Festival Terra Brava
O Festival Terra Brava do Incio, que terá lugar o vindeiro sábado 24 de agosto, xa ten todo listo para a celebración do evento, no que esperan centos de persoas que se achegarán nos distinos horarios das actuacións que se desenvolverán durante a iniciativa.
Así, a primeira actividade do día será a sesión vermú, de 13.00 a 14.00 horas, que estará amenizada pola Charanga sin Control, que virá seguida do xantar, que será de 14.00 a 16.00 horas.
Pola súa parte, de 16.00 a 18.00 horas haberá xogos para nenos e de 17.00 a 18.00 horas actuará a Escola de Música do Incio.
Xa ás 20.00 horas comezará a sesión de concertos, comezando coa actuación de Peter Selek ata ás 21.00 horas, momento no que O Val das Mouras fará o seu. Logo, de 22.30 a 00.00 horas será a quenda de Xabier Díaz & Adufeiras de Salitre, ás 00.30 horas actuará O Sonoro Maxín e, finalmente, de 02.00 a 04.00 horas, pechará o festival Guezos.