Actualidade

Sarria acollerá este evento musical que é, segundo o vicepresidente da Deputación de Lugo, Efrén Castro, "un dos principais activos culturais de Sarria"

Os organizadores do festival Esmorga Fest veñen de presentar o cartel completo con todos os horarios nos que se desenvolverán as diferentes actuacións dos artistas estes 25 e 26 de outubro.

A edición, que conta coa colaboración da Vicepresidencia da Deputación de Lugo, a Xunta de Galicia e o Concello de Sarria, incluirá as actuacións de Atención Tsunami, Ghostwoman, Los Manises, Maquina, Mourn, Músculo!, Perro, Carmela, Cora Vako, El Chico López, Nudozurdo, Terra Djs, Terror Erótico, Triángulo de Amor Bizarro, Bernal, Espalak, Jor Ginho, Schulz Dj, Sutan e Tristón Dj.

Efrén Castro, vicepresidente da Deputación de Lugo, valorou “o traballo da organización que converteu o Esmorga Fest nun dos principais activos culturais de Sarria, pola súa proxección en Galicia e no resto do Estado e pola vontade de involucrar á veciñanza na celebración cos concertos na Unión, que abren o festival a un publico moi diverso” e encadrou o apoio “na colaboración continuada e estable que desde a área de Cultura mantemos co tecido asociativo na organización de festivais de pequeno e mediano formato para soster a oferta de música en directo en toda a provincia".

O Esmorga Fest mantén o formato das últimas edicións, con concertos de pago na Sala Litmar, a partir das 20.00 horas, e actuacións gratuítas o día 26, de 13.30 a 18.30 horas en La Unión.

HORARIOS COMPLETOS DO ESMORGA FEST

Venres, 25 de outubro

• 20.00 horas. Apertura de portas no escenario SON Estrella Galicia Sala Litmar
• 20.30 horas. Atención Tsunami no escenario SON Estrella Galicia Sala Litmar
• 21.35 horas. Espalak no escenario SON Estrella Galicia Sala Litmar
• 22.40 horas. Mourn no escenario SON Estrella Galicia Sala Litmar
• 23.45 horas. Nudozurdo no escenario SON Estrella Galicia Sala Litmar
• 00.55 horas. Cora Vako no escenario SON Estrella Galicia Sala Litmar
• 02.05 horas. Los Manises no escenario SON Estrella Galicia Sala Litmar
• 03.05 horas. Schulz Dj no escenario SON Estrella Galicia Sala Litmar

Sábado, 26 de outubro

• 13.30 horas. Carmela no escenario Xunta de Galicia A Unión
• 14.25 horas. Tristón Dj no escenario Xunta de Galicia A Unión
• 16.30 horas. Terror Erótico no escenario Xunta de Galicia A Unión
• 17.20 horas. Terrae Djs no escenario Xunta de Galicia A Unión
• 18.30 horas. Músculo no escenario Xunta de Galicia A Unión
• 20.00 horas. Apertura de portas do escenario SON Estrella Galicia Sala Litmar
• 20.30 horas. El Chico López no escenario SON Estrella Galicia Sala Litmar
• 21.30 horas. Bernal no escenario SON Estrella Galicia Sala Litmar
• 22.30 horas. Ghostwoman no escenario SON Estrella Galicia Sala Litmar
• 23.35 horas. Triángulo de Amor Bizarro no escenario SON Estrella Galicia Sala Litmar
• 00.45 horas. Perro no escenario SON Estrella Galicia Sala Litmar
• 01.55 horas. Máquina no escenario SON Estrella Galicia Sala Litmar
• 02.55 horas. Sután no escenario SON Estrella Galicia Sala Litmar
• 04.10 horas. Jor Ginho no escenario SON Estrella Galicia Sala Litmar

Toda a información dos artistas que estarán no Esmorga Fest.