Xoán Curiel protagonizará un contacontos no Incio este xoves

A actividade, organizada e promovida pola Furgoteca, está dedicada a todos os nenos e nenas do Incio e aqueles que se acheguen á Feira de Artesanía

Este xoves, no marco da XIV Feira de Artesanía e Produtos da Terra do Incio, o municipio inciao acolle un contacontos musicado por Xoán Curiel.

A actividade, organizada e promovida pola Furgoteca, está dedicada a todos os nenos e nenas do Incio e aqueles que se acheguen coas súas familias para desfrutar da festa.

Así, terá lugar de 12.30 a 13.30 horas na praza de España do Incio, onde Xoán Curiel ensinará aos máis pequenos a montar a súa banda de música de verán.