Xornada de portas abertas no CEIP Ricardo Gasset do Incio
O CEIP Ricardo Gasset celebra unhas xornadas de portas abertas entre o 21 e o 24 de febreiro en horario de 16.30 a 17.30 horas para que as familias que o desexen poidan achegarse a coñecer o centro.
O Colexio leva a cabo esta acción para animar aos pais e nais a matricular aos seus fillos no centro de cara o curso próximo.
As persoas interesadas en asistir poden pedir cita previa chamando ao número 982 870 605.
O colexio ofrece educación infantil e primaria. Dispón de servizo de comedor, transporte escolar, biblioteca, pavillón deportivo, aulas informatizadas, invernadoiro escolar, programa Voz Natura, actividades complementarias e extraescolares.
Este colexio rural oferta ratios baixos, grupos mixtos, servizo de madrugadores e diversos plans e proxectos.