'Xove, democracia nuclear' será proxectado este domingo no local de La Unión de Sarria
A Sociedade La Unión de Sarria acollerá este domingo, 19 de novembro, a proxección do documental 'Xove, democracia nuclear' a partir das 19.00 horas.
Neste documental, no que se visualizará como a unión dun pobo conseguía evitar que a enerxía nuclear chegase a Galicia, contarase co director da obra, Pedro Lechuga, quen fará un coloquio posterior.
Todas as persoas interesadas en participar desta actividade poderán facelo, xa que é un acto aberto aos habitantes de Sarria promovido pola Vicepresidencia da Deputación de Lugo.
Sinopse
‘Xove, Democracia Nuclear’ recolle os testemuños de quince persoas que participaron e presenciaron a mobilización que freou o proxecto Fenosa. Os testemuños de veciños, persoas afiliadas a Comisións Campesiñas e outras organizacións nacionalistas, xornalistas, historiadores e representantes políticos daquela época -na etapa final da ditadura franquista- compoñen o documental, coa voz da xornalista lucerna Lourdes Abuide. O documental forma parte do proxecto nacional ‘Democracia Nuclear’, que recupera as historias das diferentes mobilizacións antinucleares que xurdiron na España dos anos setenta”.
