Yolanda Díaz é a premiada do XXII Premio Ramón Piñeiro Facer País
Lucía Arrojo, da Asociación Cultural Val de Láncara reuniuse con Rosario Álvarez, presidenta do Consello da Cultura Galega, para presentar un ano máis o Premio Ramón Piñeiro Facer País.
Nesta XXII edición do premio recoñecerase a Yolanda Díaz Gallego o seu labor, polo que se lle entregará o premio o vindeiro 9 de novembro en Láncara.
O acto tivo lugar na biblioteca do Consello de Cultura, un lugar onde se falou desta XXII edición e da premiada Yolanda Díaz Gallego. "Repetimos os nosos agradecementos, porque nunca son suficientes, a Rosario, por darnos sempre a oportunidade de presentar o premio en tan boa compañía e manter un contacto moi fluído, e tamén a Xurxo por acompañarnos sempre neste premio, permitíndonos desfrutar do seu tempo e talento", sostiveron desde a Asociación Cultural Val de Láncara.
Pola súa parte, o fallo do xurado sostivo que "este ano traemos unha proposta que familiares e amigos definen coma a historia viva de Galicia. Sendo muller nun mundo de homes, especialmente nos anos que a ela lle tocou vivir a súa xuventude, polo que premiamos a Yolanda Díaz Gallego".