A AC Taekwondo Sarria suma unha prata e un bronce na competición de Ribeira
A AC Taekwondo Sarria regresou de Ribeira cunha medalla de prata e outra de bronce tras participar a pasada fin de semana nunha competición organizada por Natural Sport. O equipo sarrián continúa así coa súa actividade no calendario competitivo, nunha cita que serviu tamén para avaliar o rendemento dos seus deportistas.
Izan Rigueiro conseguiu a medalla de prata, mentres que Mario Fernández acadou o bronce na Liga B. Pola súa banda, Cleo Celeiro e Lucas Trebolle participaron na categoría júnior e, aínda que non conseguiron gañar os seus combates, ofreceron un bo nivel durante a competición.
Desde o club destacaron a importancia de identificar os aspectos que cómpre mellorar para seguir progresando nos próximos encontros.
A seguinte cita para a AC Taekwondo Sarria será esta fin de semana no Open de Pontevedra, onde participará tanto cos seus equipos de combate como na modalidade de Poomsae.