A Anpa do Frei Luís de Granada mantivo unha reunión coa Deputación de Lugo sobre as casas dos mestres de Sarria

SarriaXa
A Anpa do Frei Luís de Granada mantivo unha reunión coa Deputación de Lugo sobre as casas dos mestres de Sarria
Casas dos mestres Frei Luis
Casas dos mestres Frei Luis
18 mar 2023

A Anpa do colexio Frei Luís de Granada reuníronse co presidente da Deputación de Lugo, José Tome, para informarlle do malestar da comunidade educativa do centro con respecto á situación na que se atopa o edificio de mestres.

"A parte dun perigo físico, como pode comprobarse a primeira ollada, con canlóns suxeitos con madeiras, ferros oxidados dentro dos pivotes e ocos no chan que interceden na beirarrúa, o edificio volve estar ocupado por unha parella de mozas, algo do que xa se aviso á policía local a semana pasada", explican desde o colectivo.

Pola súa parte, o presidente da institución provincial, tendo en conta as peticións da Anpa e a súa loita pola construción dun parque cuberto adaptado, liquidou unha subvención de convenio excepcional para a elaboración dun proxecto de derrube dos edificios.

Así, será un estudo de arquitectura independente o que realizará un proxecto de derrube, que será presentado no Concello. Para levar o proxecto a cabo, desde a dirección do centro solicitarase permiso á Conselleria de Educación.

Por outra parte, informan de que a Anpa e a dirección do centro solicitarán o informe da declaración en ruínas do edificio e, no caso de xa existir dita declaración, "xa non faría falta ITE para o derrube, tan só o devandito proxecto e a xestión de residuos", explican desde a Anpa.

Como punto final, a Anpa quere conseguir todos os documentos antes de mediados de abril co fin de levar o proxecto do parque cuberto ao último pleno da lexislatura do Concello de Sarria.

A pretensión é que todos os partidos políticos que inclúen no seu programa electoral diferentes proxectos relacionados coa parcela, sexan consecuentes coas súas propostas, "e non sigan vendendo fume", conclúen desde a Anpa.