Sociedade

Quim de Fibras Silvestres guiará aos participantes no uso de plantas como enea, xuncos e espadanas para aprender técnicas de cestería

A Asociación Crearte de Sarria organiza un obradoiro no que os participantes poderán aprender a tecer con fibras vexetais brandas para crear a súa propia máscara.

O taller estará guiado por Quim de Fibras Silvestres, quen amosará as distintas aplicacións destas plantas na cestería, empregando materiais da contorna como a enea, os xuncos e as espadanas.

O obradoiro terá lugar o sábado 24 de xaneiro en dúas quendas, de 11.00 a 14.00 horas e de 15.00 a 18.00 horas. Os interesados deben realizar inscrición previa chamando ao 677 22 94 63 para reservar praza e participar nesta experiencia práctica e creativa.