A Asociación Cultural Huhu organiza un obradoiro creativo para nenos e nenas de 3 a 12 anos
SarriaXa
A actividade, titulada 'Ponlle son á cor!', será impartida por Mercedes Cabada o sábado 14 de novembro na SEDE - Núcleo Difusor de Arte Contemporánea e contará con 15 prazas
9 Nov 2026
A Asociación Cultural Huhu pon en marcha un novo obradoiro creativo dirixido a nenos e nenas de entre 3 e 12 anos.
Baixo o título 'Ponlle son á cor!', a proposta estará impartida por Mercedes Cabada e celebrarase o sábado 14 de novembro, en horario de 10:00 a 14:00 horas, nas instalacións da SEDE - Núcleo Difusor de Arte Contemporánea.
A actividade busca ofrecer un espazo de creación e experimentación artística para os máis pequenos. O obradoiro contará cun máximo de 15 participantes, polo que as prazas serán limitadas.
As persoas interesadas en recibir máis información ou formalizar a inscrición poden contactar coa organización a través do correo electrónico info@trienal.com.