Cultura

A cita celebrarase o 31 de maio ás 12.00 horas na antiga Escola de Manán e incluirá música, baile e actividades para poñer en valor o rural de Sarria

A Asociación Cultural Peleriños organiza o festival infantil de fin de curso 2025-2026, unha cita que se celebrará o 31 de maio ás 12.00 horas na antiga Escola de Manán, no campo da festa, no municipio de Sarria.

O evento trasládase este ano a Manán, continuando coa iniciativa iniciada na edición anterior en Betote, co obxectivo de poñer en valor as parroquias e as aldeas do rural de Sarria, destacando o seu papel na vida comunitaria.

Durante a xornada haberá música, baile, petiscos e algunha que outra sorpresa para o público asistente, nun ambiente festivo pensado para as crianzas e as familias.