A Deputación de Lugo acollerá a inauguración da exposición “O Infinito nas aulas”
LugoXa | SarriaXa
A mostra reúne traballos de alumnado de tres institutos arredor da arte, a ciencia e o pensamento e poderá visitarse ata o 5 de xuño
Foto cedida por Guillermo Torre
16 May 2026
A sala de exposicións da Deputación de Lugo acollerá o vindeiro 18 de maio ás 11.00 horas a inauguración da exposición “O Infinito nas aulas”, unha proposta cultural e educativa que reúne os traballos realizados polo alumnado do IES Lucus Augusti, o IES Sanxillao, ambos de Lugo, e o IES Gregorio Fernández, de Sarria.
A iniciativa explora o concepto do infinito desde diferentes perspectivas relacionadas coa arte, a ciencia e o pensamento, ofrecendo unha visión multidisciplinar desenvolvida nas aulas polos estudantes participantes.
A exposición permanecerá aberta ao público ata o 5 de xuño e forma parte dun proxecto colaborativo no que tamén participan a Rede Museística Provincial de Lugo e a Vicepresidencia da Deputación de Lugo.