A exposición “O lexicón freático” pode visitarse un fin de semana máis na Sede
A Asociación Cultural Huhu anima á cidadanía a achegarse á exposición O lexicón freático, que se pode visitar na A Sede, aproveitando a ampliación dos horarios de apertura durante esta fin de semana.
A entidade destaca que esta medida busca facilitar as visitas e permitir que un maior número de persoas poida coñecer a proposta artística, que reúne obras de Bárbara da Fonte, Clo Plas, João Vasco Paiva, Salvador Cidrás e Víctor López.
O sábado 23 a exposición poderá visitarse en horario de 12.00 a 14.00 horas e de 16.00 a 19.00 horas, mentres que o domingo 24 abrirá de 12,00 a 14,00 horas.
Desde a Asociación Cultural Huhu lembran que a mostra continúa aberta ao público e convidan a aproveitar estes días para achegarse a “O lexicón freático” con maior flexibilidade horaria.