A Pobra de San Xiao celebra este venres a Festa da Xuventude e da Troita con música, gastronomía e festa
A Praza dos Labradores da Pobra de San Xiao converterase este venres 14 de agosto no epicentro da celebración da Festa da Xuventude e da Troita 2026, unha cita organizada polo Concello de Láncara que combinará gastronomía, música e animación durante toda a noite.
A programación arrancará ás 21.00 horas cunha degustación gratuíta de troita para as persoas asistentes, acompañada da animación musical da Charanga Unión Phenosa, que será a encargada de poñer ambiente nos primeiros compases da festa.
Xa á medianoite, ás 00.00 horas, chegará un dos momentos máis agardados da xornada coa actuación do grupo Gin Toni's, que ofrecerá un concerto na Praza dos Labradores.
A festa continuará de madrugada coa sesión musical de A Duendeneta - Xaby DJ, encargada de pechar unha noite pensada para o desfrute da veciñanza e das persoas visitantes.
Desde o Concello de Láncara animan á cidadanía a participar nesta celebración, que volverá reunir música en directo, gastronomía e ambiente festivo nunha das citas destacadas do verán no municipio.