A primeira fin de semana de agosto, a parroquia de San Xoán de Muro de Láncara celebra as súas festas
![concerto musica actuacion festa1](https://sarriaxa.com/wp-content/uploads/2023/06/concerto-musica-actuacion-festa1.jpg)
Os vindeiros 5 e 6 de agosto a parroquia de San Xoán de Muro, en Láncara, acolle as súas grandes festas na honra á Virxe das Neves e San Xoán, que incluirán distintas actividades para os veciños e veciñas.
Así, o día 5 sábado, comezará a xornada coa misa solemne ás 13.00 horas, seguida da procesión e da sesión vermú co Dúo Explosión, que traerá a festa ata a comida popular. Despois, pola tarde, os veciños e veciñas poderán desfrutar da verbena co Dúo Musical e o Grupo Tania Veiras.
Pola súa parte, o domingo 6 de agosto, terá lugar de novo unha misa solemne ás 13.00 horas seguida da procesión e dunha sesión vermú amenizada coa Orquestra Los Españoles. Xa ás 15.00 horas, terá lugar a comida veciñal e, durante toda a tarde, a xornada estará amenizada coa Orquestra Los Españoles.