Axenda

A cita incluirá un mercadiño, unha churraría e actuacións en directo e poderá visitarse ambas as xornadas entre as 12:00 e as 20:00 horas

A Sociedade Cultural La Unión de Sarria organizará os días 12 e 13 de decembro unha Feira de Nadal con dúas xornadas de actividades e propostas para gozar do ambiente propio destas datas.

A programación incluirá un mercadiño, unha churraría e actuacións en directo, nunha iniciativa coa que a entidade busca reunir veciñanza e visitantes arredor dunha proposta de lecer e convivencia.

A feira desenvolverase nas instalacións da Sociedade Cultural La Unión e poderá visitarse tanto o venres 12 como o sábado 13 de decembro, en horario de 12:00 a 20:00 horas.