A taekwondista sarriá Cleopatra Celeiro participou nun adestramento con Adriana Cerezo
A taekwondista sarriana de 13 anos Cleopatra Celeiro, integrante da AC Taekwondo Sarria, foi convidada a participar nun adestramento celebrado en Carranque, Toledo, onde tivo a oportunidade de compartir tatami coa subcampioa olímpica e campioa de Europa, Adriana Cerezo.
A adolescente, que comeza a destacar nesta disciplina tras proclamarse campioa provincial e subir con frecuencia aos podios galegos, aproveitou esta experiencia na que puido aprender aspectos técnicos e deportivos da recoñecida medallista, á que admira profundamente e coa que soña un día parecerse.
Desde o club sarriao subliñaron a importancia desta convocatoria para a súa evolución deportiva e expresaron o seu orgullo polo traballo da rapaza. “Un gran adestramento para a nosa Cleo, que lle permitirá seguir medrando e mellorando. Unha magnífica xornada na que mesmo Adriana chegou a celebrar algún punto de Cleo”, destacaron.