A vila de Sarria acollerá o 25N unha charla coloquio

SarriaXa
Sarria acollerá o 25N, Día Internacional da Eliminación da Violencia contra as Mulleres unha charla coloquio
manifestacion2
manifestacion2
22 nov 2022

Este venres día 25 co gallo da celebración do Día Internacional da Eliminación da Violencia contra as Mulleres, terá lugar na vila de Sarria a partir das 19.00 horas a charla coloquio Profesionais ao servizo da convivencia sen violencia.

O Salón de Sesións da Casa da Cultura do municipio acollerá esta charla coloquio que se desenvolverá a partir das 19.00 horas. Comezará coa recepción dos asistentes e posteriormente terá lugar a benvida e presentación da charla a cargo da concelleira de Muller e Igualdade, Mª Eugenia Valcárcel López e do alcalde do concello, Claudio Garrido Martínez.

Ás 19.30 horas comezará a charla na que intervirán os seguintes ponentes: Javier Hernández e Jose Ramón Boo (gardas civís pertencentes ó Equipo de Violencia de Xénero da Compañía de Monforte de Lemos), Covadonga González López (letrada ICA Lugo, colexiada que exerce no Colexio de Avogados de Lugo e está adscrita á quenda de Violencia de Xénero) e Sergio Orduña Alonso (maxistrado-xuíz titular do Xulgado de Violencia de Xénero de Lugo).