Deportes

O adestrador formará parte deste equipo xunto coa súa compañeira Laura, os dous únicos representantes de España na modalidade de taekwondo

Alex, adestrador da AC Taekwondo Sarria, comezou esta semana unha nova etapa deportiva ao incorporarse ao equipo de Mooto España como deportista de taekwondo.

O sarrián compartirá esta experiencia coa súa compañeira Laura, coa que se converterá nun dos dous deportistas de España que forman parte deste equipo nesta modalidade.

A incorporación supón un recoñecemento á súa traxectoria deportiva e unha nova oportunidade para afrontar os retos e eventos previstos para esta tempada. Desde a AC Taekwondo Sarria amosaron o seu orgullo por esta nova etapa, que permitirá a Alex continuar desenvolvendo a súa actividade deportiva vinculado a este equipo.