Educación

As solicitudes poderán presentarse ata o 30 de abril para acceder a este recurso de atención á infancia

Bolboreta Casa Niño do Páramo vén de abrir o prazo de inscrición para o curso 2026/2027, iniciando así o proceso de admisión de novas solicitudes para este servizo dirixido á atención e coidado da primeira infancia.

As persoas interesadas en optar a unha praza poderán presentar as súas solicitudes ata o vindeiro 30 de abril, data límite establecida para formalizar a inscrición. Este recurso constitúe unha alternativa de conciliación para as familias, ofrecendo un espazo adaptado ás necesidades dos nenos e nenas en idades temperás.

Deste xeito, o centro anima ás familias da contorna a informarse e participar no proceso, co obxectivo de garantir a continuidade deste servizo educativo e asistencial no próximo curso.